吃喜酒，11点半敲过，厨师傅开始搬点心，冷盆摆一台子，热炒上来了，一只接一只，来不及吃。
“现在日脚好过，铜钿多了，吃喜酒个小菜又好又多，比老早辰光否晓得要好多噢。”有人说。又有人说：“话勒对个，以前只不过十碗头呀，现在是两个十碗头不止，不好比的。”
何叫十碗头？就是10只小菜。到子八十年代逐点少特，后来子没有了，年纪轻个是勿识个。
十碗是6只冷盆加4只热菜，俗称“四盆六碗“，先话6只冷盆。
第一盆是酱烩蛋。盘子底放置五六只，再一只放上面，看上去成梅花形，蛮有艺术性个。
第二盆是猪肝。猪肝煠熟子斩成片，一片一片厚薄差勿多，摆勒齐齐崭崭。
第三盆是白斩鸡。鸡是自家养，真家户鸡，还是散养个勒。斩成一块一块装勒盆子里，白里透黄，油亮照照，卖相十足，吃勒嘴里又鲜又嫩，打巴掌勿放。
第四盆是炒肉瓜。肉是真肉丝，瓜是酱瓜丝。酱瓜是自家热子酱腌出来个，味道就是勿一样。炒肉瓜吃勒嘴里肉丝鲜香，酱瓜脆嫩，咸里带点甜。
第五盆是白斩肉。猪肉先暴腌，就是鲜肉稍微腌一腌，煠子斩片，味道像鲜肉又像咸肉。虽算夹真夹肥，但不过勿感到油脂腻腻，鲜笃笃嫩朵朵就是崭。
第六盆是海蜇。海蜇头或海蜇皮子斩丝。
下面话话四只热菜，还是盛勒大碗里个。
第一碗是鱼。红烧白鱼，用白鱼是有话头个，寓意清白人家，做人清白。
第二碗是红烧肉。叫名一碗，实际浪上面是肉块，下面是黄芽菜或者青菜，一共8块，8个人一桌一人一块，呒得多也呒得少。
第三碗是肉包子。就是油豆腐嵌肉，也有豆腐叶或者黄芽菜叶卷个，一人一只一共8只，孩放勒碗面浪，碗底里是莳菇或者笋干。
第四碗是鸡头鸡脚烧黄芽菜，也有个黄芽菜肉丝线粉汤，放鸡汁个，筷筷鲜。
还有个规矩，十碗头里两只菜是勿好吃脱个。一只是鱼，还一只是蛋，上了年纪的人差不多晓得的。
那么为何不能切呢？
鱼，和“余”声音一样，年年有余、吃个这个用个钞票样样有余，正是大吉大利好口彩呀！吃掉了不是变得没得余了？这还行？
讲讲勿吃蛋个原因。蛋可以孵小鸡，鸡可以生蛋，有蛋有鸡代代相传。所以这盆子酱煨蛋要留在台上，望新人新小官早生贵子，祝这家人家人丁兴旺子孙满堂。
网友评论：
四盆六碗并不是固定的这几个菜，比如皮蛋、肉松、虾、爆鱼块等。至于牛肉之类的真很少见到。
花式没有现在繁多，盛情却是多多！
统统好吃来交怪！
转载请注明：海门人博客 » 海门的记忆碎片——乡村宴席中的传统“四盆六碗”